День памяти преподобного Афанасия Высоцкого

Слово о житии преподобного Афанасия Высоцкого

Слово о житии преподобнаго отца нашего Афанасиа Высоцкаго, како монастир состроил, именуемый Высокой, иже от града Серпухова имея разстояние поприще едино, и о ученике его Афанасии же, игумене того же монастыря, в немже лежат и мощи его, и о чудесех его

Предивное благоутробие и мудрость всещедраго Творца нашего Бога в Поднебесней сотворися, яко человеческий род умнословесною душею и благоразумным зрением удобрися, славою и честию почтися, всего видимаго народодетелства здания явися назиратель, и наследия вечнаго в пресветлых небесех всяк, благородие свое душевное евангелско вождествуя, преславно сподобляется.

За едину убо Свою благость всеблагий наш Промыслитель Господь Бог из небытия в бытие вся человеки на славу Свою Божественную и на непрестанное хваление сотвори. И ныне присно смотрением в мире сем в бытность умнословесники зиждет и творит: да знаем Его, единаго истиннаго, в триех Ипостасех славимаго Бога Отца, и Сына, (Л. 2 об.) и Святаго Духа, и покланяемся Ему духом и истиною, и да чествуем Его делы добрыми, воздержанием, чистотою и всякою святынею. А безчинным, зазорным же и неповстягливым от каковыя либо страсти житием никто бы, никая же душа обоего пола, всякаго чина и возраста человек, зде не забавлялся, невежеством (Л. 3) и сквернами грехов не творил и не прогневлял Господа Бога.

Зане вси богомудрии человецы, духовне в жизни сей подвизавшиися, во мнозе терпении, в душевней и телесней чистоте многия страсти победиша и получиша небесныя всерадостныя венцы. Сам бо всесладчайший Иисус Христос таковых подвижников увеща, глаголяй сице: «Буди (Л. 3 об.) верен до смерти, и дам тебе венец живота» [Откр 2. 10]. Злоделающии же и нетщащиися люди, еже разумети и знати Господа и служити Ему сердечною правостию, во отбежании похотныя тли и богомерзских грехов не хотевшии, погибоша, и погибают вси. Дух бо Божий, по Писанию, не имать пребывати в таковых человеках, иже в сладостех грехов и (Л. 4) в похотех лукавых пребывают: «Не имать бо Дух Мой пребывати в человецех сих, яко плоть суть» [Быт 6. 3]. Что онии прежде потопа люди зело прогневаша Господа Бога скверным и плотелюбным житием своим. И в таком своем безумстве забыша благодарения воздавати сотворителю своему, да прекраснаго рая недро, отнюдуже изгнахомъся, наследят. (Л. 4 об.) Темже и тогда явися пред Богом Ной праведен и с сынми своими: осмь душ от потопа спасошася в ковчеге, емуже Господь повеле соделати. И послежде того до воплощения Бога Иисуса Христа на земли бывшии и по спасителном Его страдании сущии до ныне в любовь Его, Спасителя нашего и законоположника евангелскаго, распалившеся, попремногу (Л. 5) взыскаша Небеснаго Его Царства, якоже рече усты Своими: «Ищите прежде всего Царства Небеснаго» [Мф 6. 33]. И наследоваша верою истинною и благотворенми.

В сицевом усердии бысть раб Иисус Христов, верный и мудрый, искусный в духовном подвизе и в монашестве терпеливый подвижник, Афанасий, игумен Пре (Л. 5 об.) святыя Девы Богородицы Марии Высоцкаго монастыря, иже близ града Серпухова. Сей преподобный Афанасий отец воистинну, яко евангелиский купец [Мф 13. 4546], ищяй добраго бисера  Иисуса Христа, обрете Царство Небесное, в немже и с Царем Небесным Господем Богом вселися на веки. Како же он иска Царства Небеснаго? Каковым трудом и подвигом? И что (Л. 6) по желанию и усердию святаго евангельским словом приложися зде и в небе? Каковых требований и обитель сию како возгради на душеспасителный успех и во угождение Богу монашествующих, яже и до нынешних лет служителми и работающими в терпении благоискуства Иисусу Христу и Пресвятей Деве Богородице населена зрится, боголюбивым слышателем (Л. 6 об.) повествователне предлагается в ползу. Ибо слышаще доброе и в духовном жителстве полезное, абие ум и сердце на соделание добраго и честнаго зрением поревается. Злое же слышаще и безчестное и сквернавая словеса, горко оскверняемся, еже не токмо глаголати неполезных бесед, и слышати, и мыслити весма не подобает (Л. 7) всякому человеку, паче же в монастыре живущым, по гласу бо апостолскому, беседы злыя растлевают умы, а добрыя беседы и чтения книг святых сердца и душы просвещают.

Вседержащий убо и всеправящий Владыка Господь наш Бог, дивный в делех Своих, прославляется во святых Своих, прославляет и святыя Своя, устрояет в жителство и места (Л. 7 об.) пустая, в кая времена и чрез кого восхощет что сотворити. И где на духовный подвиг жителство произвести, сие имиже весть судбами Своими строит. Да подвигнется всяка душа к Его Божественному похвалению и прославлению Пречистыя Матере Его Приснодевы Марии. Темже и сего блаженнаго Афанасиа воззва Господь в (Л. 8) жителство евангелское по предъуведению Своему сице. Родися убо сей отец Афанасий и воспитася в вере кафолической православной, в пределе Великаго Новаграда, во стране Обонежской [1], благочестивых родителей сын. Отец его бе Авксентий именем, саном иерей, и мати Мариа. А святаго бысть имя в мирском пребывании Андрей. Многу имеху (Л. 8 об.) ревность ко служению Божию родители святаго и измлада его обучиша Святаго Писания чтению, псалмов пения и благочестия христианскаго в подражание святых угодников Господних.

Боголюбивии убо люди непрестанно о том тщатся, да како в жизни своей явятся Богу Вседержителю непостыдни и в вере совершенни. И томужде и чада своя наказуют (Л. 9) и хранят во опастве, не токмо от дел скверных, но и скверных словес возбраняют вещати им, да в сеть диаволю и прелесть мира не впадут. Не прилежащии же учению Иисус Христову и чтению Писаний в незнании и себе повреждают смертне, и детей ненаказанне погубляют: ибо без наказания прелюбодеищи бывают, а не сынове, (Л. 9 об.) и не уведеша, ниже разумеша, во тме ходят. Темже отцы, и матери, и дети какия беды, каковыя напасти страждут, каковыя скорби и болезни приемлют, каковым предаются казнем и смертям лютым. Но сей преподобный Афанасий еще в детстве Андреем именовася, мужеская [2] поистинне дела усердствоваше делати: (Л. 10) всегда бо во храм святый притекаше и Богу моляшеся, якоже научен бяше. Терпению же еже воздержаватися многоястия и пития весма навыкаше, имже юнии бедне тяготятся, и мысли нечистыя, и словеса глупая плодят попремногу, ошаявашеся. Видя же всеблагий Бог таковое отрока усердие, дает ему способность (Л. 10 об.) в богоугодное житие, зане требует Бог нашего усердия и в дело потщания всеконечно. А не тако, чтобы внезапу отменился человек и трудности понес, но помалу от силы в силу, из разумения в разуме приходит, писано бо есть: человеческо  мысль уготовити, Господне же  строити. И Господь того и смотрит, да поднесет человек сердце (Л. 11) свое к Нему, да благословит Его псаломско, да в небе уготованная святым благая наследит.

Во един убо день стояше отрок Андрей в церкви святей, внегда Божественную литургию совершаху, и егда гласы евангельския проповедахуся: «Аще кто хощет по Мне ити, да отвержется себе, и возмет крест свой, и по Мне грядет» [Мф 16. 24, Мк 8. 34, Лк 9. 23], и паки: (Л. 11 об.) «Аз есмь свет миру, ходяй по Мне не имат во тме ходити, но имать свет животный» [Ин 8. 12]. Абие тогда юный возгореся мыслию к зовущему Господу Иисусу Христу, уязвися сердцем, къ крайнему желанию, Богочеловеку в мир пришедшему на спасение наше, простреся любовию в путь Господень.

Како же бы ему за Христом ити, и крест (Л. 12) носити, и возимети свет животный, недоумевается (яко отроча сый). К сему еще и многия споны от злаго самаго диавола, и чрез его подущение, и от людей возбранение или от родителей и сродников хотящым работати Господу бывают. Якоже многим святым бысть искушениие и брани о том, по свидетелству писанием их жития [3]. (Л. 12 об.) Но всещедрый человеколюбец Господь, просвещающий и вразумляющий младенцы, никого приходящаго и хотящаго в след евангелский ходити отгоняет, подавая на всякое время и час доброму смышлению способность. По Писанию, «не прегрешат вси уповающии на Господа» [Пс 33. 23] и получат благая. Убо и сему преподобному отроку отверзе ум (Л. 13) всетворящий Владыка, где бы обрести наставника и правителя богоугождающаго, иже во искустве монашеском пребывает; зане без руководителя и послушанию же и воздержанию обучителя в монастырском обитании едва кто спасется. В мире же и самомненно, без наставляющаго отца духовнаго или родителей и людей благоразумных (Л. 13 об.) живяй нимало в путь Христов подвигнется, како бы благочестно, невраждебно, безскверно провождати жизнь свою.

Слыша же прежде святый Афанасий преподобнаго и богоугоднаго отца Сергия велика житием, премного в добродетелех сияюща, иже обитель велию в России Пресвятыя и Живоначалныя Троицы [4] монахом созда. (Л. 14) Велик же всероссийский чудотворец и горняго блаженства наследник показася, егоже чудотворныя мощи доселе нетленны в ползе приходящым предлежат [5]. Сему возревнова святый велиею ревностию, да при таковом совершенном в постничестве и в любви Господни богоугождающем человеке, блаженном Сергии, жити сподобится. (Л. 14 об.) И обрящет духовнаго жития пажить себе, како за Христом со крестом ити светом Его.

По малом же времени угодися путь в Троицкую святую обитель, юному Андрею сущему тогда. Ибо тощно взыска святаго отца Сергиа, яко елень на источники вод возжела [Пс 41. 2], и обрете любимаго. Пут[ь] от жителства своего со усердием прейде и (Л. 15) прииде в пречестную тую лавру. Благий юноша узре преподобнаго отца и братию многу, последствующу наставнику своему тамо во всяком изяществе: в кротости, в молчании, в скудости, во отвращении мирских суетств, в нищете самой евангелской, да нуждным жителством нуждно Царство Небесное похитят, яко тех есть (Л. 15 об.) Царство Небесное поистинне [6]. Понеже Дух Божий (Писание глаголет) не вселяется в человека плотяна и пищею живуща. От таковых бо на земли всяка зла вещь и дела сквернавая ставаются. Но токмо Дух Божий благодатию Своею живет в смотреливых человецех и обзорливых своего устроения, для чего создахомся и где имамы быти. (Л. 16) Рад бысть святый Андрей, яко обрете место безъмолвно и спасено, обрете и старца прелепотна, обрете и обитающую братию, аггельской чин благонравием подражающую. Найде непрестанно Богу псалмопение, и хваление, и молитвословие возносящыя верныя рабы, иже в послушании неленостни, в рукоделии непразни. (Л. 16 об.) Нигде же бо тако, яко во общем монастыре [7], благокрасотная жизнь обретается, еже в потребу свою нуждными пещися. Псалмопевец убо вопросително явленно поет: «Се что добро или что красно?»  и отвещает: «Но еже жити братии вкупе» [Пс 132. 1].

Абие припадает святому отцу Сергию пришлец незнаем, отрок святый сей, просит со многими (Л. 17) слезами, да приимет его во свой монастырь, в свое руковождение и обучение постническое, да не премедлит и не закоснит его облещи в монашеский образ, да ввоинит его оружием креста на противнаго духа злобы и лукавства, си есть на диавола, да причтет избранному стаду своему и благоговейному воинству Христову, нищетою, чи (Л. 17 об.) стотою, послушанием стирающих главу древняго и нынешняго змиа, всегубителя, проклятаго демона, с отступными его лукавыми силами. Преподобный же отец Сергий, видя отрока юна телом, но сединствуема разумом, стара усердием и невозвратна помыслом, горяща душею, жегома любовию к Создателю своему, склонися прошение сотво (Л. 18) рити, прият святаго Андреа в монастырь любезно и повеле ему в послушании пребывати, и никогда же быти праздну без дела. Овогда убо моляшеся, овогда в поварни и в пекарни труждаяся, молитву непрестанну имея во устех. И крепко внимаше общему равноаггельному житию, повинуяся во блаженное житие всем братиам.

(Л. 18 об.) Сего ради по времени искуства [8] святый Сергий сам постриже отрока сего Андреа и облече в монашеский чин, именовав его Афанасием. Научи же его, да крепко подвизается противу кознем диаволским и помышления своя кождодневно или погрешения в каковой либо пред нем неисправе да возвещает старцу своему. (Л. 19) Таковым бо сказанием помыслов не токмо юнии, но и старии монашествующии гделибо ослабу всяких смутителных помыслов приемлют и по премногу успевают в добродетели и во умное зрение к Богу, понеже во мнозе совете спасение людем. Аще бо зазираемся старцу своему или отцу (Л. 19 об.) духовному и кому смысленному помысла сказати, ихже в соблазн диавол приносит (яко влагает в мысль: изыди от сего места во ин монастырь и бежи сего жития, инде лучше; или: поиди в мир, во обители скучно; или: живи суетно в прохладах и в веселии, яко прочии человецы, и тако спасешися, а зде с старцами не можеши терпети и (Л. 20) напастей от бесов и от человек носити, и долго жити будеши; или: укради сие и иждиви себе в радость един; или бранитися с кем подущает, или преслушати и нелепая глаголати понуждает, или многую святость приносит творити, а все конец зол строит), то како сотворенный грех имамы объявити кому, а и объявиш (Л. 20 об.) что, зло соделав, уже не возвратиши греха и порока, а Богу досаду паче всего сотвориши, за что и гнев Свой на грешныя люди и много различных скорбей изливает. Темже кто обьявляет прилоги помыслов своих вначале и с кемлибо в духовный подвиг советует, зело ползуется и спасение удоб от страстей обретает.

(Л. 21) Убо святый Афанасий с радостию прият словеса преподобнаго отца Сергия в сердце свое и делаше в винограде Христовом спасение свое день и нощь во мнозе терпении. Поминая слово Господне, прежде слышанное: «Аще кто хощет по Мне ити, да отвержется себе и, взем крест свой, по Мне грядет» [Мф 16. 24, Мк 8. 34, Лк 9. 23], не обленися убо преподобный Афанасий поити, аще (Л. 21 об.) и с своим крестом, но достиже блаженное пребывание святых. Таковое убо житие богоугодное ему во святей обители Пресвятыя и Богоначалныя Троицы провождающу, добронравием, и мыслей чистотою, и послушанием совершенным, всем бысть на ползу: ученик и учитель, добр братии сожитель и заповедей Господних и наставника (Л. 22) своего исполнитель в смиреномудрии показася тамо.

Сего ради всеблагий Господь наш обученнаго воина при изрядном воеводе и терпеливых в подвизе духовном воинах и страдалца добляго восхоте и инамо преселити, и место избрав, просветити светом его богоугодным, и собрати жителство в монастырское (Л. 22 об.) пребывание монахом. Нежително бе прежде место оно и лесно зело. Месту же во обитель Высоцкий монастырь во граде Серпухове избрание, и созидание, и святаго отца преселение из Троицкого Сергиева монастыря семо бысть сице. По должности убо державнии господа, и власти, и великия началники, цари и князи благоче (Л. 23) стивии виновни промышляти о людском спасении, ихже имут от Бога врученных, и еже бы вера в Бога и благочестие множилося в державе его во славу всетворца нашего Бога и в честь Приснопетыя Девы Богородицы Марии и всех святых угодников Его. Изрядно убо о сем святейший Фотий [9], Патриарх Вселенский, в посланиях своих (Л. 23 об.) написа: «Князя бо воистинну дело есть не своего точию спасения творити попечение, но и въвереныя люди равнаго сподобляти промышления, и в то же благоразумия руководити и призывати совершение». Историк же любомудрый Плутарх [10] веща: «Князи, рече, служители Божии, иже во спасение человеческое Богом поставлени, доброе к наследию (Л. 24) прекраснаго рая творити». Тожде и вси началствующии имети тщание должни суть. Но Вышний Господь, о всех Промыслитель и Попечитель о душах христианских, даде усердие великому князю Владимиру Андреевичу Донскому [11], да во обладании его вера Христова и слава множится, и места святая, церкви и монастыри созидаются, (Л. 24 об.) и люди всякаго чина и обоего пола, мужы и жены, юношы и девы, на славословие в просвещение душеспасителное [12] тамо да собираются и духовне ползуются. По учителству святаго Златоустаго Иоанна, всякой убо душе умнословесной в церкви всякое душеспасителное благо, в монастыре же аггелоговейное и воздержное житие пре (Л. 25) драго. В церкви услаждение мысли, в церкви утешение о чемлибо скорбящих, в церкви труждающымся упокоение. В монастыре же в добропослушании вера возрастает, в непрестанном молитвенном звании ум просвещается; в монастыре в чистоте единства к Единому Богу всяк любовию приближается; в монастыре прелепотне (Л. 25 об.) человек на вечное житие в пресветлая Небеса совершается. Темже вложи ему, великому князю, Господь добромыслие, еже бы устроити монастырь во отечествии своем. Благоверный же князь Владимир  с радостию о том возиме попечение, всеусердно потщася  , еже бы в приличном тамо месте возградити (Л. 26) дом Божий, дом прибежище странным, дом в жилище уединяемых, монастырь  ума блюдение и простертие к Седящему горе на престолех разумных на небесех, монастырь и дом  восхластитися от грехов и свободитися сует и соблазнов от мирскаго горя хотящым.

Но о всяком деле совета потреба, ибо не (Л. 26 об.) дивно церковь и монастырь создати токмо, но преизрядно, да кто приличным делом управляти имать и руководствовати евангельскими стезями. Сего ради великий князь с прошением посла во обитель Троицкую к преподобному отцу Сергию в Радонеж, да приидет к нему во отечество его, в Серпухов град, ради благословения [13] и совета (Л. 27) о созидании монастыря по желанию его. И еже бы с собою изволил взяти ученика своего, знаемаго подвижника и трудника отца Афанасиа, о немже выше повествовася.

Святый же Сергий попремногу любяше Афанасиа, ученика своего, яко в добродетелех муж бе чуден, старцу послушлив, Божественнаго Писания зело изве (Л. 27 об.) стен, и разумения в нем прочым на ползу сказуя [14]. Живущее бо слово Божие в человеце воистинну учитъ человека. Много же святый Афанасий и книг писаше, яко и до ныне доброписания руки его в монастыре Высоцкомъ обретаются [15]. Того ради желеяше старец святый Афанасиа, да не отпуститъ его от себе из обители своея. (Л. 28) И древле бо, и ныне людей бывает много, а человека в добропостоянстве и всякаго искуства исполнена мало обретается. Пророк убо святый Иеремиа в великом и многочеловечном граде Иерусалиме человека иска, боящагося Бога, и не обрете [Иер 5. 1]. Древле же во граде великом между многих живущих в домех и на путех ходящых людей един (Л. 28 об.) философ [16] в день со свещею благоразумнаго человека иска. И общая пословица обносится в людех, в каковое либо гораздо потребное дело глаголют: «Надобноде человека сыскать, да и в деньде со свещею на сие и сие дело человека едва найдеши». Что и в монастырском пребывании в монашествующих ради невоздержания, и слабости, и презрения оте (Л. 29) ческих чиновных и постнических обучений помногу всюду зрится.

Обаче святый Сергий въдадеся воли Божией, да еже хощет сотворит и с ним, и со Афанасием святым, склонися на княжое прошение, сотвори послушание и пойде по времени некоем во град Серпухов ко князю пеш (обычай бо имяше и смирение отец преподобный всегда показуя (Л. 29 об.) пешо хождаше) [17], взя с собою и ученика своего блаженнаго Афанасиа. Пришед же добрый послушник и верный раб Христов христоподражателный отец Сергий ко князю Владимиру Андреевичю в его отечество, благослови святый муж князя и дом его, приведе же и любезнаго ученика своего богомудра же и преуспевша старца Афанасиа, от видения бо очес, (Л. 30) и от лица, и постоянства, и в слове познавается человек, каков есть. Со многою убо радостию князь Владимир  святаго Сергия и святаго Афанасиа прят, и много о пользе беседовав с ними, совета прошаше у них, яко хощет обитель Пресвятыя Богородицы устроити монахом и воздвигнути храм Ея, в честь Зачатия Ея [18], на месте безмо (Л. 30 об.) лвне, от града Серпухова едино поприще, или версту, имуще, Высокое зовемо. «Еже бы славилося имя Божие, и Пресвятую Деву Богородицу хотящии в крове Ея жити монахи чествовали, и о мне, и доме моем, и о врученных мне людех молили бы Господа Бога. Такожде бы  и ус[о]пших о Господе душы родителей, и сродников, и всякаго чина христиан православных по (л. 31) минали в священнодействе, да оставятся всем грехи, и сподобил бы Господь Бог ради щедрот Своих, и предъстателства ради Матере Своея, Владычицы нашея Пречистыя Девы Богородицы Марии, и всех святых молитвами вся люди Своя, в христианском сословии сущыя, Небеснаго Своего Царствия. В неиже непрестанно Сам Спаситель наш Иисус Христос зовет: «Приидите ко Мне, (Л. 31 об.) наследуйте уготованное вам Царствие от создания мира» [Мф 25. 34]  и,: «Приидите обедуйте, се вся готова суть в небесных чертозех любящым Мене». Делом же и потребами имам от усердия промышляти. Сего бо ради, преподобне отче Сергие, и понудих Вашу святыню, да благосоветуете  мне о сем моем намерении».

Преподобный же отец Сергий, (Л. 32) слышав от боголюбиваго князя Владимира сицевая словеса, зело возрадовася и, благодаря Бога, рече ему: «Воистинну, благоверный и умудренный Богом княже, добро и спасително дело сие. Из сего убо велия Отцу нашему Небесному, и благосмышление в сердца вашя началническая дающему, возрастет хвала (Л. 32 об.) и честь Деве Богородице. Потщися убо, потщися, великий господине, да сотворится таковое дело, еже во веки имать стати, и твоя память будет во веки на земли и на небеси. Якоже глагола мудрый Иисус Сирахов: «Восхвалим убо мужы славны и отцы наши в бытии, иже господствующе в царствиях своих; мужи богатии, (Л. 33) дарованнии крепостию, мирно живуще в жилищах своих; милостивии, ихже правды и дела добрая незабвенны быша. До века пребудет семя их, и слава их не потребится, телеса их в благополучном мире погребена быша, а имена их живут в роды. Премудрость их исповедят людие, и похвалу их исповесть церковь» [Сир 44. 114]. По Святому (Л. 33 об.) бо Писанию, доброделателю и тебе, княже, събудется сие, верен Господь и праведен».

Боголюбивый же князь Владимир сицевый прият совет от святаго, яко от аггела Божия извещение, и вскоре пойде со святым Сергием и Афанасием на место оное, сущее на реке Наре. Видевше убо место красно, и при исходищях (Л. 34) вод [Пс 1. 3], яко речная устремления веселят грады Божия [Пс 45. 5], зело возлюбиша, и реша вси: «Благословен Бог, творящий селения Своя в пустынях и избравший место». И яко лесно и нежително бысть, повелеша в потребу изчистити сие в лето 6881 [19]. Тогда преподобный отец Сергий, став на месте тамо и воздев руце на небо, преклон колена, (Л. 34 об.) со всеми помолися Господу Богу, глаголя сице: «Всецарю Вышний, в Триех Ипостасех Единый Боже Отче, Сыне и Душе Святый, Твоя Господня земля и исполнение ея [Пс 23. 1], и концы земнии в руках Твоих [Пс 94. 4], Господи. Призри на место сие благодатию Твоею, посли помощь свыше и благослови е, и сотвори оное прибежище любящым Тя, и обучение монашеское в нем устрой лобызающым (Л. 35) аггелский преданный образ совершенно. Даждь служащым Тебе, и работающым, и живущым вседушно на месте сем образ Твой и подобие в душе и теле, еже сотворил и создал еси руками Твоими, соблюдати непрестанно. Хвалити же Тя во псалмех и песнех духовных присно и величати Царицу Небесную, Пречистую Деву Богородицу Марию (Л. 35 об.) и вся святыя Твоя сподоби люди Твоя, живущыя и приходящыя семо, да имя Твое святое славится день и нощь во веки веков, аминь». Много убо молитва праведнаго поспешествует людем Господним, ихже молитву Господь слышит и благоволение творит.

По скончании же молитвы обратився святый Сергий к доблему ученику своему, (Л. 36) нача глаголати: «Вселюбезне Афанасие, духородное мое чадо, послушай мене, старца, вещающаго тебе. Благодарю Господа Бога, яко презелне тобою мене в богоугодном твоем подвизе увеселил. И колико лет при мне был еси, всегда не сотворил еси преслушания не точию ко мне, но и к братии. Воистинну вижю тя человека совершенна и бла (Л. 36 об.) гоискусна монаха, молю любовь твою: останися зде и пребуди на месте сем, можеши бо возградити обитель сию и собрати постничествующую братию. Праведно належит твоей святыни дело сие. О сем бо и благоверный князь сей Владимир Андреевич просит тя и желает твоего достоинства, да потрудишися зде во имени Господни». (Л. 37) Таже и сам князь глаголаше святому: «Святый отче Афанасие, прошу твою честность, ибо и от слуха добродетелей твоих уверихся, ныне же и очеса моя созерцают тя. Благонравие бо, и светлость лица, и мудрая словеса твоя, всему миру явленна, тя богоугодника сотворяют. Желает бо преизлиха душа моя, да послушаеши отца своего святаго Сергия, и моего убогаго (Л. 37 об.) прошения, молю тя, не презри, на се бо и призвах вы семо. Потрудися Господа ради и Пресвятыя Богородицы в строении священнаго места сего, ему бо возложих. Имам же твоему преподобию потребами вседушно служити».

Преподобный же Афанасий мыслит в себе, яко послушание на него сие зело трудно, а преслушание грешно и осудно. И глагола преподобному Сергию: «Не прогне (Л. 38) вайся на мя, вселюбезный мой отче, еже раб твой худый возглаголет: кто есмь аз хуждший? И како разлучюся твоего преподобия? Кто мне наставник и учитель, новоначалну сущу, зде будетъ? К кому прибегну в скорбех и страстных прилогах мысленных и прииму утешение или ослабу? Како забуду обитель, сущую тамо? Како братии равноаггельной, при (Л. 38 об.) ихже ногу воспитахся, отсутствовати имам? Како воспою песни или молитвы вознесу Господу Богу на земли сей, пустой и не знаемей мне? Ибо аще твоя молитва мне не поможет, никако могу зде терпети и строитель быти, не достигох бо  меры сея». И с словесы многия слезы из очей своих испусти, яко и всем ту сущым и князю великому прослезитися.

(Л. 39) Но сеющии о добре слезами, по псалмопевцу, радостию пожинают [Пс 125. 5]. А о каковой злобе и о сладострастиях века сего аще и радуются люди, и то радование токмо по телу, и душа уже в неправде соизволяет, и тии несказанныя скорби и болезни тяжкия и зде, в жизни своей, терпят, а о вечном мучении и помыслити престрашно. А радость та (Л. 39 об.) ковая доведет того, яко Евангелие святое благовествует: «Праведнии пойдут в жизнь вечную, а грешнии в муку вечную» [Мф. 25. 46]. Преподобный же Сергий, яко благ муж и полн утешения, рече: «Чадо Афанасие, на Господа уповай и Владычицу Деву Богородицу, и, яко гора Сион, не подвижешися [Пс 124. 1]. Не оставит Господь нас сирых. Учит бо святый апостол, яко Господь печется всеми нами [1 Петр 5. 7]. Все (Л. 40) благий наш Творец Сам глагола Иисусу Навину, вождю исраилскому: «Не имам тебе оставити, ниже отступити» [Нав 1. 5]. И пророком Исаиею вещает нам: «Аще жена забудет чадо свое, а Аз не забуду тебе» [Ис 49. 15]. В руце бо Его есмы вси. По учителству же святаго Павла апостола, в Бозе живем, и движемся, и есмы в бытии [Деян 17. 28, Рим 14. 8]. Но на всяком месте (Л. 40 об.) терпения имамы потребу и труд в волю Божию полагати, яко Царство Небесное нуждно и нуждницы восхищают оное [Мф 11. 12]. До самаго убо разлучения души от тела всякому человеку, царю и князю, богату и нищу, архиереем и духовнаго чина, предлежит по своему чину и достоинству делание и труд, что кому належит, а без попечения никая душа у (Л. 41) мнословесная быти может. Преподобный убо отец Пимин Великий [20] истинно глагола во утвержение сему тако: «Яко аще человек сотворил бы новое и особное себе небо и землю новую, без печали и попечения не возможет быти». Убо и тебе, чадо, в послушании сущу, и в труде твоем сем богоугодном поможет человеколюбивый Творец наш Господь. Благое (Л. 41 об.) бо всякое дело трудом снискается и болезнию исправляется. Что и во обещании нашем монашеском имамы сие увещание. К сему же и апостола святаго Павла словеса святый Златоуст Иоанн толкова, зело прилично сему, и надобно, ибо на Послание Коринфяном первое, во главе 16, в Беседе своей 36, сице: ««Никто же своих себе да ищет, но бли (Л. 42) жняго кийждо» [1 Кор 10. 24]. Чесого же? Спасения  еже бы всем человеком с Богом быти, служити Богу, и вечно с Ним в небесех жити. Свое бо (рече) полезное  в ближняго полезном лежит. А еже онаго в сем, да вси купно духом сокрушенным и смиренным возъносят жертву Христу Богу благоугодну: ов попечение о врученном, ов учение о полезном, (Л. 42 об.) ов делание преданное о наследии небесном, а вси к славе Божиеи тщание содержав зде, восприимут неувядаемыя славы венцы [21]. Якоже убо, аще кто злато свое, в дому ближняго закопанное, аще отрицался бы, пришед, тамо искати и ископывати, никогда же узрит оное, тако и зде: не хотяй в ближняго ползе своея ползы искати не получит (Л. 43) венца о сем. Ибо Бог сего ради сице положи, да будем друг другу связани». Сице убо Сергий преподобный, увещевая и наказуя святаго Афанасиа, пребысть с ним на месте том неколико дней и остави его тамо обитель святую строити и составити общее житие. Предав же святаго Афанасиа благодати Божией, молитву (Л. 43 об.) сотворив, сам святый Сергий отиде в свой монастырь.

Святый же Афанасий, яко истинный послушник совершен, доброму своему и богоугодному наставнику повинувся, оста тамо. Взя многое попечение, многия и труды о строении монастыря и о собрании братии во общее жителство к духовным молитвенным своим трудом приложив, терпеливно в крепком (Л. 44) подвизе понесе. Уповаше бо на молитвы отца и старца своего, блаженнаго Сергиа. Постави же себе и братии келлии и церковь малу в честь Пресвятыя Богородицы созда, и братия в паству полезну многая собрашася к нему. И до ныне убо благодатию Божиею монастырь сей населен монахов множеством, во благоискустве пребывающих, всерадостно всеми зрится, пречестными архи (Л. 44 об.) мандриты в степени своем почествован и управляем.

В сем же монастыре и преподобный Никон [22], чюдотворец Радонежский, восприя аггелский образ, ибо преподобный отец Сергий, узрев сего юна суща отрока, пришедша к нему во обитель Радонежскую и просяща, да пострижет его святый Сергий и обучит в монашестве при себе монашескому благонравию и подвигу, (Л. 45) он же отсла его из своего монастыря, иже в Радонежи, глаголя: «Иди, чадо, во град Серпухов, в монастырь на Высокое ко настоятелю тамо сущему, моему ученику, в добродетелех преуспевшу Афанасию, он тя тамо аггелскаго образа сподобит и жизни благия обучит». Еже и вправде бысть. Егда убо прииде блаженный Никон к сему пре (Л. 45 об.) подобному Афанасию в монастырь, много святый увещавая и отсылаше от себе, яко: «Не возможеши, рече, чадо, юн сый, в монастыре безмолвно и в лишении мирских вещей на сем месте жити, многи бо скорби и различна искушения монахом бывают. Паче же во всяком деле воздержание, послушание и смотрение имети должно и молитися непрестанно монахом (Л. 46) подобает». Обаче по многом молении прият его святый Афанасий и облече в монашеския ризы святаго Никона, иже добре в жизни своей измлада, яко добр воин Иисус Христов, подвизався, послушание, нищету и чистоту телесную и душевную присно храняше и во всем повинуяся наставнику своему блаженному Афанасию. (Л. 46 об.) Афанасий же, видев святаго Никона в труде и подвизе, благодарствова Господа Бога и понуди его прияти чин иерейства. Святый же Никон, повинуяся святому Афанасию, благодатию Иисус Христовою сподоблен бысть таковаго сана. И по приятии священства найпаче труды  к трудом прилагаше, образ и прописание явленное бяше всем  жи (Л. 47) вущым во святей сей обители. По сем, испросив благословение у настоятеля и отца своего преподобнаго Афанасиа, ради поклонения прииде во обитель к преподобному отцу Сергию в Радонежский монастырь. Егоже святый Сергий прият с радостию и не отпусти святаго Никона оттуду, но в своей обители остави его. Яко (Л. 47 об.) тамо, в монастыре Святыя Троицы, по времени и игумен бысть и, яко светило, добрыми делы и чюдотворении просия, егоже память сотворяти прият на всяко лето Церковь святая. Князь же Владимир святаго Афанасиа во обители сей часто присещаше и зело веселяшеся о благом его пребывании.

Времени же прешедшу (Л. 48) по отшествии от зде святаго Никона к преподобному Сергию, во второе лето прииде к нему в монастырь юн отрок, остр в смышлении именем Аммос, желая научитися пути Господня; сказа отечество свое града Ярославля, нарочитых родителей сын: отца Илариона и матере Анны, моляше преподобнаго Афанасиа отца, иеромонаха суща и строителя оби (Л. 48 об.) тели тоя, да приимет его во святую обитель и сподобит монашескаго чина. Отвсюду бо к нему, слышавше его доброискуство, и общежителство, и юным обучение в подвиг монашеский благоразсудный, мнози притекаху и живяху во обители богоугодно. Он же, видя отрока усердие и в юности к Богу простертие любве, (Л. 49) прият его во обитель. По неколицех же днех, смотря юношу того Аммоса в молитве, и посте, и в нищете терпелива, в послушании готова, чистоты телесныя желателна, сподоби его чиновнаго монашескаго  пострижения и тезоименна себе нарече имя ему Афанасий, да возпоследует святому его житию. Еже волею Всезрителя (Л. 49 об.) Бога и помощию успе в евангелском пути и новый сей Афанасий: бысть монах, бысть послушник, бысть ученик, бысть и учитель, и наставник монахом в той же обители по времени учинися, яко послежде о преподобстве его возвестится.

По пришествии убо его в монастырь во осмое лето [23], а по  восприятии аггел (Л. 50) скаго образа в лето третие благоверный князь Владимир Андреевич по усердию своему, тщанием и доброподаянием имения созда церковь каменну и трапезу братии с церковию теплою [24] и устрои всякою лепотою тыя. Афанасий же святый началствующий игумен поставлен бысть, и добре о строении монастырском, и о благочинии устава (Л. 50 об.) церковнаго и пения, и о братии, в любовь единствующуюся Богу, творяше смотрителство, и пасяше стадо Иисус Христово неленостно, душу же свою имяше горе, не прилипаему житейским попечением.

Братию убо поучаваше непрестанно Великаго Василиа наказанием, еже имети душевную чистоту и безстрастие телесное, ступание кротко, (Л. 51) глас умерен, слово благочинно, пищу и питие немятежно, одежды власяны и обуви неукрасителны, токмо бы восполнителны нуждныя потребы, долу зрение имети, горе же душу, беседою не избыточествовати, но прилежати паче молитве и чтению святых книг, при старейших молчание, при мудрых послушание, любовь и услужение ко (Л. 51 об.) всякому простирати усердное, от злых, плотских и любоплотных людей отлучатися, рукоделие свое на отгнание неполезных и нечистых мыслей всегда имети, не вещати срамных словес, мало глаголати, множайшая разумевати.

И по учителству преподобнаго отца Исаака  Сирина, смертную имети память всегда должно. И разумей, (Л. 52) яко Бог тя к Себе зовет, и ты к Нему зриши и идеши. И ни до кого иного тебе дело на земли, токмо до Него. Ибо, по тогожде святаго Исаака  словеси, неудобно есть юности или новоначалному  монаху, аще и стару кроме обучения и старческаго подначалства связатися под игом монашеския святыни. Противность убо и (Л. 52 об.) прилоги сует и различных страстей имеем кождый непрестанно от подустителя врага, древняго человекоубийцы, иже из прекраснаго рая прародителей наших прелестию изведе. А уже вне тоя ограды, вне крепости, без оружия в поли борение наше с ним трудное. Обаче надеждою на пострадавшаго за ны Иисуса Христа и на Пречистую Деву (Л. 53) Богородицу препобеждаем за возлюблшаго ны, Иже возлюби нас и предаде Себе за ны. Пишут убо учители: «Велия беда и трудность постиже нас от первых изгнанцов райских, праотцев наших, яко в первородном гресе, в проклятии зостахом . Проклята, рече, земля в делех твоих». Аще убо крещением (Л. 53 об.) святым христианскаго нашего благочестия и свобождаемся того первороднаго греха, обаче остается в нас склонность ко греху, юже называют богословы «желание едино», которое действует в человеце. Зане часто мысль идет за тем, чего Господь Бог и Закон Его не токмо делати, но и мыслити возбраняет, рече бо: «Не похощеши» [Исход 20. 17]. Часто берется (Л. 54) человек за то, чего и сам здравый ум не советует и не желает. И тако непрестанно есть в человеце война и битва. Ибо тело с похотми своими биет на ум и смысл и часто премогает. Ум, от телесности побежденный, биет на грех, противится закону Божиему. Изъявил сие апостол святый: «Сослаждаюся бо закону Божию по внутре (Л. 54 об.) ннему человеку. Вижду же ин закон во удех моих, иже противится закону ума моего» [Рим 7. 2223].

Темже преподобный отец Исаиа [25] прилично и потребно на сицевую войну в поучении написа: «Всяк бо, иже крещен есть, нужду имать вся свойству и разуму сопротивная, имиже побежден бысть Адам и от славы в вечное безчестие изриновен, (Л. 55) ко кресту пригвоздити. С бодростию убо сердца брань требе творити и презирати вся во чести человечестей сущая, сия бо сынов Адамовых порабощают. Си есть: приобретение, честь, праздность, слава, лепота телесная и ина сим подобная, яже возбуждают похоть, юже змий во уста Еве въверже». Такожде и святый Григорий (Л. 55 об.) «Диалог, си есть Беседовник» [26], во увещании своем глаголет тако: «Треми образы всякия вины злобу содеваем, еже есть подъущением, утехою и соизволением. Первое убо чрез врага, второе же чрез плоть, третие чрез духа совершается. Наветник бо подущает, плоть утешению подвергается, напоследок дух, одолен утехою, (Л. 56) соизволяет ».

Тем убо, братие возлюбленная, всего сего надобно крепко  смотрети и стояти противу лукавых помыслов. Мыслите убо и делайте доброе пред Богом и человеки. От мысленныя бо наклоненныя брани к чесому и телесная между народов и царств бывает война. Яко святейший Фотий, Патриарх Цареградский, в (Л. 56 об.) послании своем вещает: «Егда в помыслех человеку злое въпадет и идола в тех вожделения[х] каковаго вообразит, неудоб отриновенна бывает страсть и люта во избавление». Инии же глаголаша: «В чюжих телесех, или во имении, или в каковом устремлении с острастием душу имети». Сего ради богомудрый святый отец Исаак  Сирин (Л. 57) глаголет братиям: «Исторгни, рече, от сердца твоего всяк образ и всяко подобие, еже предъприятелне приял еси, и обучи ум твой присно в таинствах смотрения Спасителя нашего Христа поучатися». Сия бо наша жизнь, сие нам, христианом, дело. Сия потреба возведет на высоту, идеже  вниде Предтеча наш Иисус Христос». Сицевая святаго Афанасия (Л. 57 об.) братии  словеса. Сицевая поучения непщевати  должно, что и в жестоких сердцах возмогут изобразити делание чистоты и истины и, хотя мало, ко прозрению обзорствовати очесам умным насущая и будущая сотворят откровение.

Тогда же и ученик его Афанасий иеродиакон поставлен бысть, и по дву летех быв в чине том, и иеромонах хиротонисася. И в чреде (Л. 58) таковаго достоинства велми добродетелми подвизася. Доблий же подвижник игумен Афанасий светлостию жития своего прослыся повсюду. Тем в сию святую обитель снидеся в бодрое его пасомство братии много, и монастырь упространися, и нуждных потреб прият исполнение от любящих благолепие дома Господня. Егда же святый Афанасий (Л. 58 об.) во игуменах в сей обители препроводи лет шесть [27], тогда ему преселение от здешния обители сотворися и конец жития своего  воспрят сице.

Обретается убо не во многих писаниях, аще и мало свидетелство о том, но всещедрый Творец наш Бог, еже хощет, творит в ползе человеком, и непщуемая в людех неудобна  у Бога же вся возможна [Мф 19. 26; Мк 10. 27]. Един точию Сам весть Вышний, (Л. 59) каковых ради вин что творит и претворяет по благоволению Своему. Ибо повествуется писанне, яко в тая лета в Греческой земле, в Цареграде, иже  и Константинополь зовется, Патриарх тамо сущий Вселенский (кто же имянем не явленно) успе вечно, разделением души от тела естественне. Извещение же во граде том бысть от Бога (неизвестно (Л. 59 об.) кому), яко тамо никто же быти может ин Патриарх Вселенский, токмо Афанасий [28], игумен Высокаго монастыря, иже в России Великой. (И в тая времена мнози быша архиереи, всероссийския митрополиты, архиепископы и епископы по градом, греки родом. Оттуду бо присылахуся, яко единаго благочестия и в Бога веры.) (Л. 60) Лета же 6694 и сам царь греческий из Царяграда Алексий Мануйлович Комнин [29] по своей каковойлибо потребе приезжа в Великий Новгород, яко российския и новгородския летописцы свидетелствуют о том.

Царь же греческой (не именован) с тамо сущым церковным собором по такому извещению писа и присла посланных духо (Л. 60 об.) внаго и мирскаго чина неколико человек к великому князю Димитрию Иоанновичю  Всероссийскому с прошением, да отпустит к ним из своея державы игумена Афанасиа, о немже, како тамо бысть благоволением Божиим извещение, подробну известиша ему посланнии. Князь же великий Димитрий Московский, слышав от посланных и от грече (Л. 61) скаго царя грамматами известився [30], воздаде велие благодарение Богу, глаголаше бо: «Слава Тебе, безсмертному Царю и Богу. Буди Ты, Господи, благословен везде и во  вся роды во веки. Ты еси Бог наш, и мы людие Твои, твори, еже хощеши. Твое есть царство, и сила, и держава, вся бо твориши, елико и что хощеши, аллилуиа ». Абие посла ко игумену Афанасию, отцу блаженному, (Л. 61 об.) нарочно нарочитых людей, которыя возвестиша ему вся бывающая о нем. Он же много и всяко изглаголание о себе творяше посланным, таже и князю великому. Вещаше бо сице: «Молю и прошу вы, господие мои, не творите ми споны и труда сего, не вем, како случися сие. И послушайте грубаго старца, ибо странно глаголете во услышание мое. Кто есмь аз? (Л. 62) Со святым Авраамом патриархом глаголю: «земля и пепел» [Быт 18. 27], с царем и пророком святым Давидом: «есмь червь, а не человек» [Пс 21. 7], с Павлом апостолом: «невежда словом, аз же и разумом невежда» [2 Коринф 11. 2]. А диалекта, си есть языка или речей, погречески отнюд не знаю. И како ми туде ити? Что творити, речи народа того не разумев, и управления их, паче же и фи (Л. 62 об.) лософскаго учения не навыкнув? Возможно ли, иностраннику мне сущему и иноязычнику, в таковом преславном вселенском царствии престол Вселенския Церкве [31] содержати и управляти народ чиновно? Видите и судите сами. Ибо человеков и знаемых и подъсудственных, рече святый Григорий Богослов, художество художеств (Л. 63) пастырю управляти человеки. Аз же что сотворю?»

Посланнии же и князь великий усилствоваху [святаго]  прошением зело. Святый же Афанасий игумен, увещаваем от них вельми, вдався воли Господни, пойде из монастыря своего с ними, аще и не хоте, и повинуся Владыце Богу. А вместо себе в той обители устрои ученика своего Афанасиа, иже иеро (Л. 63 об.) монах бе. И от доброрасленнаго корене духовнаго своего отца святаго Афанасиа благое древо и духоподвижно возрасте, и сотвори многим витати человеком в доброплодство монашескаго совершенства в монастыре том Высоком. И сей убо новый Афанасий велми во временней сей жизни подвизася, отнюдуже с святым апостолом Павлом глаголати возможе: (Л. 64) «Подвигом добрым подвизахся, течение соверших» [2 Тим 4. 7], и святости сподобися . О немже последи повествоватися имать.

Преждний же преподобный отец Афанасий Промыслом всесильныя десницы Небеснаго Царя великий путь из царствующия Москвы в греческий Константинополь прейде, и прибысть туде в доброздравии, и имиже Господь Бог весть судбами, (Л. 64 об.) якоже есть писано: «Воли Его кто противитися можетъ?» [Дан 4. 32], и: «Кто разуме ум Господень? Или кто  советник Ему бысть?» С честию тамо от царя благочестиваго и от духовнаго чина прияся. (Еще бо Царьград не пленен бысть от зловерных турков тогда, и православнии цари самодержаху Греческое царство [32].) И возведеся на Престол в Константинополи Вселенския Па (Л. 65) триархии, благодатию Пресвятаго и Всесовершающаго Духа сподобися святый Афанасий великаго архиерейства, патриаршества. И бысть преподобный в великом попечении и скорби немалей, яко из своея страны в люди ины удалися, места святаго, идеже изначала труд положи, и вновь монастыр устрои, и братию собра, разлучися, греческаго же (Л. 65 об.) глаголания мало знаяше.

Колико же святый Афанасий тамо в Патриарсех бысть, неизвестно. Обаче по некоем времени патриаршества своего ради посещения и благословение свое архипастырское посла в Россию, в Высоцкой монастырь, ко ученику своему игумену Афанасию, благоговейнаго своего пречестнаго иеромонаха Виктора, родом греченина. С ним же писа (Л. 66) ние Святейшаго Афанасиа, Вселенскаго Патриарха, бысть в монастырь таковое: «Афанасий, Божиею милостию архиепископ Константинополский, Новаго Рима и Вселенский Патриарх. Во пречестную и великую обитель Преблагословенныя Девы Богородицы Марии Честнаго Ея Зачатия монастыря Высокаго , иже во граде Серпухове, пастырю и настоятелю, игумену (Л. 66 об.) Афанасию с братиею, от Престола Софии, си есть Премудрости Божии, и от нашея мерности [33] мир и благословение. Послах к тебе пречестнаго иеромонаха Виктора ради любве моея к вам, юже всегда в памяти и в сердце моем имею о вас. Да во обители святей, в дому Пречистыя Девы Владычицы жителствуете благодушне, восходяще от силы в силу (Л. 67) сотворением Господних заповедей, чин монастырский храняще во всем. И да здравствуете в любви мнозе. Возвещаю же тебе, игумену, здешнюю скорбь мою: тако убо Богу изволившу, еже мне отлучитися тоя обители и сопребывания вашего, и зде великаго достоинства сан Патриарший и Престол прияти. Ибо многим во удивление таковое събытие, (Л. 67 об.) еже паче меры моея сие содеяся о мне. Но буди Он, Владыка и Творец наш, благословен и препрославлен во веки. Якоже годе Ему, тако бысть, но токмо да бы препроводил по благости Своей в мире и спасении жизнь мою. Уже бо есмь стар и к концу смертному приближаюся, но и скорби многия постигают, а утешающаго и послужителя вернаго и до (Л. 68) броприятнаго мало обретаю себе зде. К сему еще мало знаю и языка людей сих, и навыкати всего  въскоре трудно, люди же мне мнятся быти жестоки. И аще от жития сего скончаюся, не вем, кто поминатель душе моей будет в незнаемей и еще в непривычной мне стране сей. Сего ради вас прошу, не забудите мя в молитвах ваших и (Л. 68 об.) поминайте любовь мою тамо всегда. При сем с ним же, иеромонахом Виктором, послах к вам в монастырь седмь икон святых поясных окладных и ины три иконы: Христа Иисуса Господа, и Пречистыя Девы Богородицы, и святаго Иоанна Предтечи. И иныя потребныя вещи, яже вам вручити имать. Вы же, приявше у него вся, в подобающем месте устройте (Л. 69) иконы святыя. Здравствуйте спасително, аминь».

И ныне те иконы [34] в той обители, в настоящей церкви, во храме Пресвятыя Богородицы, над царскими дверми седмь икон стоят, от всех зримы и чествуемы поклонением. И егда той посланный муж от Святейшаго Патриарха Афанасиа пречестный иеромонах Виктор достиже в Россию и прииде в (Л. 69 об.) Высоцкой монастырь, тогда святый сей Афанасий игумен любезно и честно прием его, благодарение со всею братиею воздаде Богу за таковую любовь и милость Святейшаго Патриарха, еже в таковом далнем разстоянии благословения и посещения своего их, чад своих, чрез присланных сподобил. Господин же Виктор приветствова игумена (Л. 70) отца Афанасиа греческою беседою, юже ему преводиша в то же время известнии на наш славенороссийский  язык зовемыя переводчики. (Како и днесь со иностранными иноязычники разъглаголство о всяких делах бывает.)

И преподобный Афанасий, игумен Высоцкаго монастыря, повеле некоему от учеников своих вся бывшая тогда виде (Л. 70 об.) нная, како оттуду, от кого и с чем приидоша, и слышанная, како той отец Виктор прииде и что принесе, и от кого посланы вещи, и приветствова како настоятеля обители святаго Афанасиа, написати известно и предати в сохранение. Но таковаго писания совершеннаго во многолетстве и многих ради военных разорений [35], и ка (Л. 71) ковый либо случай бысть, кроме малаго сего известия не обретается во дни сия. Понеже и в преждних евреех, иже Бога Всетворца знаша, и мудрии мнози люди, и цари самыя быша, яко Соломон; и в еллинех, яко во Афинех и в прочих градех быша философы, иже многая писания книгами о естественных и преесте (Л. 71 об.) [стве]нных  вещех и делах изложиша; и в благодатном Иисуса Христа законе велицыи святители и богомудрии преподобнии мужи о духовном жителстве, и о управлении человеков, и о гражданъском правлении и суде зело премногия книги написаша, но вся тая не обретаются в мире сем ныне. И едва что кроме нужднаго нам ко спасению, и ко управлению (Л. 72) гражданства, и к поучению благонравия (како, по учителству святаго апостола Павла, со всеми человеки мир имети и угождати Богу на небесное вечное всерадостное житие [Ев 12. 14]) имамы в сия времена. Иным убо и во своя времена не токмо градом, но и царствам, в нихже быша мудрая правителства и писанныя законы людем, от военных браней разоре (Л. 72 об.) ния велия сотворишася и писание книг погибе; инде от зловерия своего и неправосудства добрая писания истребиша; во иная лета гонение на христианскую веру от идолопоклонников, мучителей и царей злобне разлияся, и многая христианскаго благочестия не токмо книги во истление предашася, но и сами исповедники веры в Господа Бога, пишущии тыя, (Л. 73) люто быша умерщвлени, но и от иконоборцев и еретиков в разная...  времена многия святыя мужи ради истиннаго православия замучишася, и безчисленное множество разных творцев и уставоположников книг сожжено бысть. Яко извествуется в греческом гронографе [36], си есть во временописце, что царь греческой Лев Исаврин, (Л. 73 об.) проклятый иконоборец, в Цареграде в лета оная в палате и училищи при храме Святыя Софии со всего мира христианския Церкве книги и еллинския, ихже числом исповедают седмсот тысящей, и учител великий философ, с нимже дванадесять мудрых мужей, ихже совета во всякия дела великия царь и Патриарх употребляху, яко имяху тии ведение, (Л. 74) в том бо быша учинены, нощию всезлочестивый сожже и истреби всего мира несказанное сокровище [37]. И еще книги тогда везде писаху, печатание же тех токмо с полтретияста лет [38] на вселенней умыслися. И преписывати было множество таковое, и всякому обретати, где каковое ведение, зело трудно. Такожде и зде подобне (Л. 74 об.) мнится сотворися, аще и много о таковом содействии писася.

Темже святый Афанасий игумен патриархова присланника честнаго отца Виктора с сущими с ним добре угостив и требованиями удоволствив в его бытности во обители, отпусти с миром в Царьград к Святейшему Патриарху Афанасию. О немже сказаша нецыи, яко не дойде (Л. 75) Виктор в Константинополь, в путном шествии преставися от жизни сея.

Но преподобный и сей отец Афанасий игумен, по имени своему безсмерте [39], безсмертныя плоды в житии своем сотвори. Ибо творяше добродетели сам и братию учаше, храняше чин свой и воздержание имяше совершенное, в посте бяше крепок, в молитвах неленостив, (Л. 75 об.) в нищете терпелив, отнюдуже всякому брату и послушнику в монастыре и пришелцу ползы ради блаженный глаголаше святаго отца Исаака Сирина словеса  сице: «Возненавиждь, брате или сестро, где ли живеши, пространство от всякаго довольства, от многоядения и пития, от многих вещей, да сохраняеши помышления твоя немятежна, сохраняйся от малых, да не впадеши в (Л. 76) великая». По святому бо Златоустому, «аще кто навыкнет в коемждо гресе глаголати ничто же, от сего помалу вся погубляет, таковое бо презрение, злобу и нечистоту въведе в люди». И ныне во мнозех сие обрящеши. Иным же сказываше преподобнаго аввы Виара [40] словеса, егда некто вопроси его: «Отче Виаре, что сотворю, (Л. 76 об.) да спасуся?» Он же рече: «Иди и сотвори чрево твое мало и рукоделие твое мало, и не имей молвы в келлии твоей, и спасешися». Ибо страстию коею побежден есть человек, аще сластолюбием, или сребролюбием, или славолюбием, или украшением ризным (яко Кирилл [41] святый глаголет: «Ризное украшение удица бесов (Л. 77) ская есть»), или кто хощет веселитися во вся дни светло, уже той в неволи пребывает.

Мудрии же глаголаша: «Дражайша есть человеку волность, аще и в скудости, нежели золотыя достатки в неволи». Истинно же неволя злоделателю, кто в нечистотах, мысленных и телесных, и в грехах душегубителных забавляется само (Л. 77 об.) желанне. Невозможно убо человеку, в роскошах и глумлениях живущему, и не возводящему к Богу ума своего, и не кающемуся грехов своих, от мучения спастися. Всякая бо радость миросуетная и плотская плач, и рыдание, и скорбь приносит, потом и смерть вечная постигает. Яко святый апостол Павел вопиет: (Л. 78) «Аще, рече, по плоти живете, имати умрети. Аще же деяния плотская духовне умерщвляете, воистинну живи будете» [Рим 8. 13]. И радость вечную тии наследят. Сего ради преподобный отец Евпрепий [42], си есть благолепотный лицем и сердцем бе ко Господу, веща вопросившему его некоему человеку о спасении, како бы ему в любовь Господа Бога (Л. 78 об.) достигнути: «Траву, рече, яждь, и в траву облекися, на траве лежи, точию сердце твое железно стяжи». Ибо любимаго желати и ждати терпением в чистой совести подобает. Яко же вселенский учитель Златоглаголивый Иоанн о Божией любви, како приготовлятися и стяжати ону, сице глаголет: «Аще бо любимаго кто (Л. 79) видяй, паче же воспоминаяй сего, востает душею, и высок бывает мыслию, и вся удобне терпит, наслаждаяся памятию, и ни о чем скорбном смутится». Понеже вся нам неудобная являются, яко Божия памяти не имамы, якоже имети подобает, яко не обносим Его в мысли выну, вправду убо рекл бы к нам: (Л. 79 об.) «Забыл Мя еси ты. Забуду и Аз тебе». Сицевым своим монашеским обучением и благоглаголанием восхлащаше братию монастырскую и прочыя, послушающыя его, от страстей и греховных дел и просвещаше мысли и сердца их в ненасыщенное желание любити Господа Бога и жити в кротком и молчаливом дусе, кто где обитает.

(Л. 80) Устрои же обитель, яко и выше повествовася, лета немала во игуменстве препроводи святый Афанасий, и на кончину изнеможение старческое и скорбь телесе постиже его, в нейже неколико времене болезнуя, в надежде ко Христу Господу отиде чистолюбною и святою душею. «Праведных бо душы в руце Божией» [Прем 3. 1], и: «Аще праведник скончается, (Л. 80 об.) в покои будет» [Прем 4. 7]. Братия убо обители и многия люди, собравшеся на успение его, многотрудное его тело достодолжно с чинопением честно провождающе, погребоша оное во гробе прямо церковных западных дверей, под лествицею, в том Высоцком монастыре, идеже ныне особое каменостройство над гробом его учинися [43]. (Л. 81) Преставися же сей преподобный отец Афанасий, яко повествуется, мироздания 6904го лета, месяца септемвриа во 12 день [44].

Зде зрети подобает, яко Афанасиа оба в преподобстве скончашася, ихже душы Богом на небеса взяшася, телеса их в земли сокровенны, и будут ублаженны в вечности [45]. Сии святии по благовествованию Иисус Христа Господа нашего (Л. 81 об.) всеусердно искаху Царства Небеснаго, пренебрегающе суету мирскую и не пекущеся о мнозе, токмо о единой нуждной своей потребе, и праведно вся им приложишися: «Ищите, рече, Царствия Божия и правды Его, и сия вся приложатся вам» [Мф 6. 33]. Нуждное подаст Бог точию, апостол святый увещавает: «Имуще пищу и одежду, сими доволни будем» [1 Тим 6. 8], и: «В безмолвии (Л. 82) хлеб свой ясти повелехомся» [2 Фес. 3. 12]. Желающии же сладострастий мира сего не наполнится всего мира на вселенней богатством, еже бы возглаголал: «Доволно ми есть». Но сии святии два Афанасиа зрением к Богу и деланием истины в монастырском обучении искаху неба и получиша оно, искаху трудом и получиша отраду. Ибо и зде воспокоение от страстей, еже (Л. 82 об.) есть многоценно и требования, им положися от Господа, в небе же всеконечныя радости паче всего приложишися онем. Обитель Богоматере Девы Марии, монастырь честен, их тщанием возградися и населися благоугождающими Богу, иже в терпении душеспасителныя жизни носят скорбь в послушании, да пространная в горнем блаженстве наследят, имже Господь Иисус любезно воз (Л. 83) глаголет: «По вере вашей и терпению дел благих се зде вам вся готова, прекраснаго рая благая Моя буди вам, насыщайтеся и веселитеся со Мною, и с служителми Моими аггелы, и всеми святыми нескончанно и присно».

Темже лепотно вопити к ним сице: «О преподобнии отцы, не забывайте чад ваших посещати! И кто во обитель сию будет (Л. 83 об.) притекати, молитеся Господу Богу и Пресвятей Деве Богородице выну, в помощь бо имеем и в предстателство Оную едину, да спасет Он, Творец наш и Отец Небесный, вся ны по милости Своей». Убо сим отцам Афанасиам, и таковым святым добродетелным, и словесам их учителным кто возпоследует и внимати имать делателно, той получит на земли благая временно, в небе же вечную всерадостную (Л. 84) жизнь со святыми всеми, еже даждь, человеколюбче Царю и Боже наш, всем людем Твоим наследити Царствие Твое Небесное в нескончаемыя веки веков, амин[ь].

(Л. 85) Слово первое во извещение преподобнаго отца Афанасиа, игумена Высоцкаго, богоугодныя святыни его

Егда убо святый отец Афанасий прият конец жизни своея, успе благочестно во Господе и предавася тело его погребению, тогда некоторый брат обители тоя, церковных вещей хранитель, в некоем (Л. 85 об.) неустроении церковнаго того своего послушания неисправлен бысть и, гневаяся на блаженнаго, не хоте и на погребение мощей его ити . Яко многия споны и во время собрания народнаго от злоковарника демона бывают людем, наипаче убо в таковая времена воздвижет вражды и смущения, в няже плакати достоит. Что и тогда вси твориша, яко отца и (Л. 86) пастыря лишишася, и плакаша зело, и онаго брата нача дух нечистый демон бити и мучити немилостивно. Брат же той, пришед в себе и помянув грех свой, яко напрасно гневася на святаго, притече с велиим рыданием и слезами ко гробу и мощам его, и в той час испроси себе, яко у живаго, прощение, и мучения демонскаго свобо (Л. 86 об.) дися. Но егда в земный ров тело блаженнаго вложиша, тогда гневавшийся и свобожденный от недуга брат внезапу в яму ту на гроб святаго отца въпадеся. Братия же мняху, яко от великия туги или изумився тамо въвержеся . Абие, извлекше его оттуду и видевше, яко не повредися ничем, начаша его вопрошати, како сие въвержение в яму сотворися (Л. 87) ему. Он же сказа им, яко: «Игумен Афанасий из гроба протяже мне свою руку, и мнех, яко бы кто пхне мене туде, и, прием мя, глаголаше: «Вскоре, брате, имаши оставити жизнь свою, близ кончина твоя»». И в третий день преставися монах той. И погребено  тело его во гробе вне стены преподобнаго Афанасиа.

(Л. 87 об.) Слово второе о блаженнаго отца Афанасиа по успении его бывших благоволением Божиим чрез него действ полезных

Многоразличная Всетворящий Господь Бог действа и чудеса преславная святыми Своими угодники в людех Своих сотворяет к прославлению святаго Своего имене, яко онии святии Ему вседушно служиша и простирахуся любовию к (Л. 88) Нему непрестанно день и нощь во вся дни жизни своея, по псалмопевцу же: «Дивен Бог во святых Своих» [Пс 67. 36]. Сие убо Господь творит, да подвигнутся человецы на пение чудес Его. Овии да зрят, како человецы, таковии же суще, не по плотскому хотению или склонению в слабость, но духовне жителствоваху и в надеянии вечный  покой обрето (Л. 88 об.) ша. Овии, смотряще чрез действуемая ими вышеобычная дела Богом, яко другов Своих [Ин 15. 14] Он, Спаситель наш, извещением прославляет, да Ему такожде благоугождати потщатся. Ибо и о сем преподобном отце Афанасии игумене повествуют многия люди, тамо во обители священнослужители, и монахи, и инии людие в разная време (Л. 89) на видяху на гробе его свещы горящыя. Иногда же созади престола возженныя свещы десною страною идяху и, на гроб его пришедше, невидими беху. Инии же братия не единощи слышаху сладкими гласы пение на гробе его: «Святый Боже». Иногда же святый Афанасий видеся ходящий по гробом, кадя фимиамом. Овогда убо иным являлся святый, много (Л. 89 об.) в руках свещей горящих имея, и около монастыря обхождаше. И сие Господь Бог деет, аще и чрез святыя аггелы, но прославляет святыя Своя к надежде и ползе человеков, да благо им будет.

Слово третие о помощи святаго Афанасиа граду Серпухову в приход зловерных татар крымских и, егда полския люди войною (Л. 90) разорение твориша российскому народу

Щедр убо и милостив и человеколюбив Господь наш Бог [Пс 102. 8, 144. 8], Царь небесных и земных, но и праведен, яко пророк поет, и правду возлюби [Пс 144. 17], юже и содержит презелно всем человеком во  спасени[е] . Но мы в развращения и в богомерзския грехи вдаемся невоздержанием и несмотрителством нашим, (Л. 90 об.) и, за то гневаяся Господь на люди, посылает казни разныя, да обратимся к Нему и исцелит Он всяку язю и всяку народную болезнь. Ибо некогда приидоша попущением Божиим за грехи наша  ко граду Серпухову войною крымския зловерцы татары и с ними полския люди, неприятели враги [46]. И всюду по иным градом, и по селам, и деревням многий народ (Л. 91) поплениша, и разориша, и побиша острием меча. Уже и приступ мышляху творити. стояху же полчищами своими злочестивыми в Казачьеи слободе под градом, выше Высоцкаго монастыря, Нарою рекою въверх. Во един убо день увидеша они злочестивии неприятели врази из того монастыря на белом кони старца, черноносяща выехавъша, иже поеде по брегу Нары (Л. 91 об.) реки въверх и вниде тамо в церковь стоящую каменную. Дивляхуся же варвари, яко не бояся их зверскаго  суровства и множества полчищ старец той ездит. К сему еще глаголаху: «Какия ныне приидоша люди жити в месте том пустом, яко и на конех ездят?» (Ибо вражескаго их нашествия никтоже обретеся во обители, вси бо во град из (Л. 92) бегоша.) И от тоя церкве, в нюже вниде святый, той же старец на том же коне поеде, в руках жезл велик имея един. И тако объеде все их великое богомерзкое полчище около и внезапу зело скоро на врагов оных устремися, грозя жезлом тем. И егда к становищу их святый приближися, прилежно зряху на него, и убояшася (Л. 92 об.) варвари  вся орда и полская сонмища  страхом великим и побегоша с места того, како где кто можаше укрытися, друг друга попирающе и биюще, ибо со всеми своими людми прогнашася от града силою Божиею и помощию преподобнаго отца Афанасиа, и град от облежания и приступа их свободися. Егоже святаго видеша тогда, лице сму (Л. 93) гло имуща, браду велику черну и густу, якоже и жив во плоти своей бысть [47], токмо в то время возъзором грозен святый показася. Но и со града люди многия его видеша сотворша сицевая. Егда же от воинства и разорения врагов неприятелей тех люди успокоишася, тогда вся бывшая и виденная помощь граду от святаго самому благоче (Л. 93 об.) стивому царю всероссийскому возвестися от града началников совершенно.

Убо и ныне святый отец Афанасий в небе душею ликует всерадостно и зде волею Божиею на добротворящия, живущыя же и приходящыя отцы и братию призирает, помощь молитвами своими подавати готов требующым. И в сем буди слава и честь Богу в Троице Единому и Пресвятей Деве Богородице Марии ныне и присно и во веки веков, аминь.

(Л. 94) Стихи о извещении «Слова», како и когда бысть

«Слово» от мала сие пространися, // нынешних бо лет оное счинися, // седмь тысящ двесте в шестом лете мира, // в ноемврской луне [48], в яд[ь] словесна пира. // Читай всяк в ползе, святых поминая, // следуй словесам, в Бога уповая. // Спастися должно душам умным всяко, // о том тщитеся, повеле Бог тако. // Зде жизнь всем трудна, потребна небесна. // Да бы сподобил Бог стояния  десна, // молись, молися во вся дни и нощи // Христу и Деве, будет [по] твоей мощи. // (Л. 94 об.) «Небо и Царство жаждущым готово, // тецы известно», веща Само Слово. // Дева Мариа с святы помогает, // к радости вечней вся ны управляет. // О Царю Боже, Отче Всетворитель, // в благости Твоей буди мне Спаситель. // В славу, честь Твою даждь все содевати, // изволи к Тебе всем нам успевати. // Пречиста Дева Мати Всецарица, // сподоби ны зрети в век Троична Лица.

Примечания

[1] Обонежская пятина в Новгородской земле.

[2] Имя Андрей в переводе с греческого означает «мужественный». Это значение имени обыгрывается в тексте в традициях литературы барокко, для которой признаком особой «тонкости и гибкости ума» было «умение найти связь между именем и самим предметом так, чтобы предмет был достоин имени, а имена  предметов» (Сазонова Л. И. Литературная культура России: Раннее Новое время. М., 2006. С. 211).

[3] Многие агиографические сочинения содержат рассказ о том, как будущий подвижник не мог уйти из мира в монастырь прежде кончины престарелых родителей (прп. Сергий Радонежский), или побуждаемый ими к браку (Алексий, человек Божий), или насильно удерживаемый любящей матерью (прп. Феодосий Печерский). В житийных текстах также часто описываются бесовские нападения, которые претерпевал отшельник в пустыне.

[4] ТроицеСергиев монастырь был основан прп. Сергием Радонежским († 1392 г.) в 1340х гг.

[5] Мощи прп. Сергия Радонежского были обретены при игумене Никоне 5 июля 1422 г. и с тех пор покоятся в монастырском Троицком соборе.

[6] В присущей ему стилистической манере Карион Истомин соединяет несколько евангельских текстов: «Царствие Небесное нудится, и нуждницы восхищают е» (Мф 11.12), «Блажени нищие духом, яко тех есть Царствие Небесное... Блажени изгнани правды радиЯ яко тех есть Царствие Небесное» (Мф 5.3, 10).

[7] В одной из глав Жития прп. Сергия Радонежского (см.: Службы и Жития преподобных Сергия и Никона Радонежских. М., 1646. Л. 72 об. 75), которое, очевидно, использовал Карион (Истомин), рассказывалось о том, как по благословению Константинопольского Патриарха Филофея ТроицеСергиев монастырь стал общежительным. Однако инииатором введения общежития в монастырях мог быть и свт. Алексий, поскольку общежительные обители в Москве и окрестных землях появились раньше, чем была прислана патриаршая грамота, упоминаемая в Житии прп. Сергия (см.: Кучкин В. А. Сергий Радонежский и «филофеевский крест» // Древнерусское искусство. Сергий Радонежский и художественная культура Москвы XIVXV вв. СПб., 1998. С. 1622).

[8] Время искусства (искус)  период послушания, предшествующий монашескому постригу.

[9] Фотий, свт., Патриарх Константинопольский († 6 февраля 891 г.).

[10] Плутарх, древнегреческий писатель III вв., автор «моральных» трактатов и жизнеописаний выдающихся греков и римлян. Его сочинения были хорошо известны Кариону (Истомину), который в начале 1680х гг. изучал греческий язык и впоследствии преподавал его (Браиловский С. Н. Один из «пестрых» XVII столетия. СПб., 1902. С. 28; Словарь книжников и книжности Древней Руси. СПб., 1993. Вып. 3 (XVII в.). Ч. 2: ИО. С. 141).

[11] Серпуховской князь Владимир Андреевич (13531410 гг., княжил с 1358 г.). В тексте назван «Донским» в память об участии в Куликовской битве, во время которой командовал засадным полком, решившим исход сражения.

[12] Здесь, как и в созданных в 1690х гг. «Букварях», отразились новаторские просветительские и педагогические идеи Кариона (Истомина). Он первым создал «учебные пособия, в которых признавалась необходимость обучения грамоте не только мальчиков, но и девочек» (Словарь книжников и книжности Древней Руси. Вып. 3. Ч. 2. С. 146).

[13] Прп. Сергий помимо Троицкого монастыря создал еще несколько обителей. При жизни святого его ученики основали более 20 монастырей, а после смерти преподобного  еще 50 обителей.

[14] Высокая оценка личности прп. Афанасия Высоцкого впервые дана выдающимся писателем начала XV в. Епифанием Премудрым, учеником и первым агиографом прп. Сергия Радонежского. Он описывает прп. Афанасия как человека «в добродетелех свершена, зело строина, и оучителна, и Божествены же писаниих разумна, еже ныне свидетелствуют писаниа его» (Тихонравов Н. С. Древние жития преподобного Сергия Радонежского. М., 1892. Отд. 1. С. 132). В несколько иной редакции эти слова приведены Симоном (Азарьиным), текст которого, видимо, и стал источником для Кариона (Истомина): «Бе бо Афанасий в добродетелех моуж чюден и в Божественных писании зело разоумен, и доброписания многа руки его и доныне свидетельствуют» (Службы и Жития преподобных Сергия и Никона Радонежских. М., 1646. Л. 89).

[15] В настоящее время известны 2 пергаменные рукописи, написанные по благословению прп. Афанасия в Высоцком монастыре и имеющие собственноручные приписки преподобного: Паремийник (РГБ, собр. Румянцева, № 303) и Пандекты Никона Черногорца (ГИМ, Синод. собр., № 193). Эти книги, украшенные тератологическими заставками и инициалами, свидетельствуют «о серьезной постановке переписывания и оформления рукописей в Высоцком монастыре» (Вздорнов Г. И. Искусство книги в Древней Руси. Рукописная книга СевероВосточной Руси XII  начала XV веков. М., 1980. С. 86).

[16] Речь идет о древнегреческом философекинике Диогене (ок. 410320 г.), с которым были связаны многочисленные притчи, рисующие образ философааскета и остроумного собеседника. Карион (Истомин), будучи хорошо знаком с древнегреческой литературой и находясь под влиянием «Ключа разумения» Иоанникия (Галятовского), в своих проповедях и словах часто прибегал «к разным «историям» и баснословным рассказам» (Браиловский С. Н. Один из «пестрых» XVII столетия. С. 241).

[17] Прп. Сергий неоднократно совершал пешие переходы из Троицкого монастыря в Москву к свт. Алексию, в обители, основанные его учениками или в поисках места для новой обители. Народное предание связывало с одним из приходов прп. Сергия в Высоцкий монастырь посадку им дуба в селе Ивановская Гора, где позднее была построена церковь во имя св. Иоанна Предтечи (см.: Житие и подвиги преподобного и богоносного отца нашего Сергия, игумена Радонежского и всея России чудотворца / Сост. архим. Никоном. С. 255).

[18] Первый собор в Высоцком монастыре, как и все первоначальные монастырские постройки, был деревянным, отстроен в камне в 1381 г., пострадал при нашествии ДевлетГирея и был разобран. В середине XVI в. на его месте возвели кирпичный собор, включивший в кладку подклета основание прежнего храма, в конце XVII  начале XVIII в. подверглась перестройке верхняя часть собора, храм был расписан в 1-й половине XVIII в.

[19] На основании летописных упоминаний некоторые исследователи считают временем основания Высоцкого монастыря 1374 г. (см.: Букатина Ю. Высоцкий Серпуховской в честь Зачатия Пресвятой Богородицы мужской монастырь // Православная энциклопедия. Т. 10. М., 2005. С. 77).

[20] Пимен Великий († ок. 450 г.), прп., египетский подвижник, назидания которого были широко известны по текстам патериков, часто включались в сборники аскетического и нравственнобогословского содержания.

[21] Имеются в виду Беседы Иоанна Златоустого на Послания апостола Павла (Киев, 1623; М., 1709). Данное место «Слова» наиболее ярко характеризует творческий метод Кариона (Истомина). Благодаря многолетнему труду в качестве справщика Московского Печатного двора, он был хорошо знаком с текстами Священного Писания и творениями отцов Церкви, чаще цитировал их по памяти, нередко допуская неточности. В данном случае глава 16 и беседа 36 указаны им ошибочно. Тема приведенной «цитаты» («Никто не ищи своего, но каждый пользы другого») заимствована из другой главы апостольского Послания (1 Кор 10.24).

[22] Никон Радонежский († 1426 г.), прп., ученик прп. Сергия Радонежского. Источником сведений о нем для Кариона (Истомина) послужило Житие прп. Никона Радонежского (М., 1646).

[23] В хронологии Карион (Истомин) допускает путаницу. Когда он пишет: «По пришествии убо его в монастырь во осмое лето», то имеет в виду приход в Серпухов прп. Афанасия Старшего в 1374; слова же: «по восприятии аггелскаго образа в лето третие» относятся к прп. Афанасию Младшему.

[24] Трапезная Покровская церковь была построена в 1381 г., уничтожена во время нашествия ДевлетГирея в 1571 г. Вскоре на ее месте возвели кирпичную церковь на высоком подклете, которая была перестроена в 1697 г. в стиле московского барокко, в начале XIX в.  в стиле классицизма. В 1872 г. с северовостока к храму был пристроен придел в честь Похвалы Пресвятой Богородице.

[25] Возможно, речь идет о христианском писателе IV в. авве Исаие, славянский перевод «заповедей» которого существовал уже в XIV в. (см.: Богдановиh Д. Каталог hирилских рукописа манастира Хиландара. Београд, 1976. С. 176. № 458). В 1672 г. его сочинение «Заповеди ко братии, с ним живущим» было вновь переведено на славянский язык Александром Симоновичем (Будовниц И. У. Словарь русской, украинской, белорусской письменности и литературы до XVIII века. М., 1969. С. 14, 123).

[26] Григорий Великий, или Двоеслов, папа Римский (590604 гг.), автор «Бесед на Евангелия» и «Диалогов о житии и чудесах италийских отцов и о вечной жизни души» (Римского патерика), славянский список которого середины XVI в. хранился в Синодальной библиотеке (ГИМ, Синод. собр., № 265). В отличие от других патериков Римский патерик написан в форме диалога Григория и диакона Петра. Извлечения из Римского патерика были включены в Пандекты Никона Черногорца, Пролог, Великие МинеиЧетьи.

[27] Прп. Афанасий Старший был настоятелем Высоцкого монастыря не менее 8 лет: с 1374 по 1382 г.

[28] Автор «Слова» ошибочно делает прп. Афанасия Старшего Константинопольским Патриархом, ссылаясь на устные монастырские предания, которые могли возникнуть в результате неправильного восприятия послания преподобного из Константинополя в Высоцкий монастырь. На это обстоятельство обращали внимание уже в XIX в (см. записи в описании публикуемой рукописи). Таа же ошибка пристствует и в Службе прп. Афанасию Высоцкому Младшему (песнь 8 канона) и в Акафисте ему (кондак 5).

[29] Алексий II Комнин, византийский император в 11801183 гг., был убит в 13летнем возрасте (Крюков А. М. Алексей II Комнин // Православная энциклопедия. Т. 1. М., 2000. С. 628629). В ряде русских летописей  Новгородской первой, Никоновской и Владимирском летописце  под 1186 г. сообщается о «его приезде» в Новгород (Полное собрание русских летописей. Т. 3. М.; Л., 1950. С. 38; Т. 10. СПб., 1885. С. 12; Т. 30. М., 1965. С. 76). Повидимому, в летописях речь идет о приезде на Русь самозванца, выдававшего себя за византийского императора. Кариону (Истомину) мог быть известен список старшего извода Новгородской первой летописи, хранящийся в Синодальном собрании (ГИМ, Синод. собр., № 786).

[30] Связи Москвы и Константинополя во 2й половине XIV в. были достаточно активными (см.: Маджеск Дж. Руссковизантийские связи в 12401453 гг.: паломники, дипломаты, купцы // Архив русской истории. 1994. Вып. 4. С. 2750). Отъезд прп. Афанасия, хотя и был связан с великим князем Димитрием Ивановичем Донским, но совершенно иначе, чем это представлено автором Жития. Прп. Афанасий сопровождал митрополита Киприана, который вынужден был покинуть Москву изза конфликта с Московским князем (Борисов Н. С. Русская Церковь в политической борьбе XIVXV веков. [М.], 1986. С. 117118).

[31] Константинопольский патриарший престол получил титул Вселенского в конце VI в.

[32] Разгром Византийской империи туркамиосманами и падение Константинополя относятся к 1453 г.

[33] Наша мерность  этикетная речевая формула, выражающая смирение («наше недостоинство»); употреблялась в архиерейских посланиях вместо личного местоимения (я, мы).

[34] Речь идет о Высоцком чине из деисусного ряда Зачатьевской церкви (ныне 6 икон находятся в Государственной Третьяковской галерее, 1  в Государственном Русском музее). Поясные изображения деисуса писаны на досках большого размера, в полтора метра высотой. Иконы имели басменные оклады. Привезенные из Византии, они оказали влияние на русское искусство и, возможно, на распространение поясных деисусных чинов большого размера (Лазарев В. Н. Новые памятники византийской живописи XIV в. I. Высоцкий чин // Византийский временник. 1951. Т. 4. С. 122131; Лелекова О. В. Высоцкий чин в русской иконографической традиции XVXVI вв. // Древнерусское искусство XVXVII вв. М., 1981. С. 143144). Предполагается, что именно с этим посольством в Высоцкий монастырь был прислан и не дошедший до нас сборник аскетических сочинений и житий, переписанный по благословению прп. Афанасия Старшего в Студийском монастыре иноком Сергием в 1392 г. С этого сборника в XVI в. были сделаны 2 списка (РГБ, Рогож., № 562; РГБ, Рум., № 360).

[35]Высоцкий монастырь неоднократно подвергался разорениям: в 14081409 войсками хана Едигея и великого князя литовского Свидригайло, в 1571 г.  войсками хана ДевлетГирея, в 1610 г.  отрядами польского полковника А. Млоцкого.

[36]В одном из сборников Кариона (Истомина) имеется запись: «7207 (1699) марта 3 отнес аз вверх государю царевичю Алексею Петровичю книгу Летописец греческой по славенской речи» (Браиловский С. Н. Один из «пестрых» XVII столетия. С. 158).

[37] Лев III Исавр, византийский император в 717741 гг. В русских хронографах в главе, посвященной его правлению, содержится рассказ о том, как за отказ священника, наблюдавшего за ходом учебного дела в империи, и его помощников письменно признать иконопочитание идолослужением, император приказал сжечь их вместе со зданием библиотеки, где хранилось множество книг (см.: Хронограф 1642 г. ЦМиАР, КП 3945.71. Л. 675 об.676). Исследователи отвергают этот факт как недостоверную «легенду, которой в средние века придавали полную веру» (Успенский Ф. И. История Византийской империи. Л., 1927. Т. 2, первая половина. С. 63).

[38] Карион (Истомин) говорит о начале западноевропейского книгопечатания в середине XV в., о чем справщики Московского Печатного двора могли знать из переводных хроник.

[39] В традициях литературы барокко Карион (Истомин) обыгрывает значение имени святого. В переводе с греческого Афанасий значит «бессмертный».

[40] Этот рассказ об отце Виаре встречается в Скитском и Азбучном патериках. Он же присутствует среди статей, переписанных прп. Афанасием Старшим в рукописи Пандект Никона Черногорца, созданной в Высоцком монастыре в 1381 г. (ГИМ, Синод. собр., № 193, л. 222 об.).

[41] Известно несколько христианских писателей, святых отцов, с именем Кирилл: архиепископ Иерусалимский († 386 г.), архиепископ Александрийский († 444 г.), равноап. Константин Философ, просветитель славян († 869 г.). Кроме того, Кириллом Скифопольским († 557 г.), монахом лавры Саввы Освященного, были созданы жития св. Евфимия Великого, Саввы Освященного и др. подвижников палестинского монашества. Сочинения этих авторов встречались во многих аскетических сборниках. Кого именно из них цитирует Карион (Истомин), установить не удалось.

[42] Приведенный рассказ об о. Евпрепии встречается в Азбучном патерике, а сказанные им слова вошли в сокровищницу монашеских аскетических изречений и переписывались не только в Средние века, но и в Новое время.

[43] Могила прп. Афанасия с часовней над ней находилась у западных дверей Зачатьевского храма. В 1697 г., при архимандрите Герасиме (16951735 гг.), на пожертвования Нарышкиных на месте часовни была построена церковь во имя прп. Афанасия Афонского, в 1878 г. на этом месте был воздвигнут новый храм, освященный в честь преподобных Афанасия Афонского и Сергия Радонежского.

[44] Прп. Афанасий Высоцкий Младший преставился 12 сентября 1395 г.

[45] Точных известий о времени кончины прп. Афанасия Высоцкого Старшего нет, также как и установленного дня памяти. Построением данной фразы Карион (Истомин) как бы обосновывает почитание первых двух игуменов в лике преподобных. Видимо, в монастыре их память чтилась в один день, хотя служба была составлена в начале XVIII в. только прп. Афанасию Младшему. Прп. Афанасий Старший вспоминается Церковью в дни празднования Соборам Московских и Радонежских святых, прп. Афанасий Младший, помимо этого, еще и в Соборе Ростовских святых и 12 (25) сентября.

[46] Точных указаний о времени описанного в «Слове» нашествия нет. Скорее всего, в предании соединилась память о нескольких разновременных событиях.

[47] Описание внешности преподобного дано в традициях иконописных подлинников. Последнее замечание свидетельствует об устном бытовании данного предания, в котором, видимо, соединились разновременные события, так как свидетельствовать о том, что облик явившегося святого соответствовал его внешнему видку, каким его знали при жизни, могли только современники прп. Афанасия или те, кто знал его очевидцев. Однако этому противоречат сообщение о том, что о явлении святого было сообщено «царю всероссийскому».

[48] В ноябре 1697 г., для вирш Кариона (Истомина) характерно употребление слова «луна» вместо «месяц» (Браиловский С. Н. Один из «пестрых XVII столетия. С. 137, 199, 212).

Источник: Вестник Церковной истории. № 2, 2009 г.

http://www.sedmitza.ru/text/833596.html